Jowai, Jymmang 09: ka jingtied u pyrthat bad jinghap u phria kala pynjulor lut iaki ing ki sem, ki telebishon, ki sainar bording elektrik bad ki jingthung jingtep jong ki briew.
kane ka jingtied u pyrthat bad jinghap u phria kala jia haka thain Iooksi ha kine ki khyndiat baladep.
Haka jinglyngshop u phria baheh kaba la jia haka 6 tarik une u bnai bun ki ing ki sem jong ki briew bala sop daka tin kila shah pynjulor lut hakaba u phria baheh ula tangah jam bad pynpei lut ia ki tin sop ing ki nongshong shnong.
ka jinglyngshop u phria kala pynjulor ruh iaki jingthung jingtep ki nongshong shnong bad kane ka ktah bha iaka ioh ka kot ki nongshong shnong kiba im haka kam rep kam riang.
Nalor ka jinglyngshop u phria ki paidbah ka thain Iooksi ki la mad ruh iaka jingeh naka jingtied ba tyngeh u pyrthat(thunder). Ha ka jingtied u pyrthat kaba lajia hakane ka taiew ba ladep kala ktah bha iaki paidbah namar ka jingshah pynjulor ki sainar bording kiba dei jong ka 11 KV ha kaba kala wanrah iaka jingduh bording ha kkane ka thain la palat shi taiew eiei mynta.
Ka ladon ruh ka jingshahtied pyrthat ki Telibishon bad u Mobile Tower ka Reliance Company uba don ha Nongryngkoh. Shuh shuh hakatei ka jingtied u pyrthat kala pyniap ruh ia uwei u Muid jong u Nit Rabon naka shnong Umsalait.(SP News)
