Jowai, Naiwieng 24: Lyngngoh ka KSU Narpuh Circle baka sorkar kamleh ei ei ia kiba tih bad khlong maw na kawa wah Lukha haki bynta jong k a shnong Borsara bad Kuliang namar ba kat kum ka jingtip lang da baroh baka national green tribunal ka la Mana ba ngim la shuh ban tih shiap ne khlong maw na kino kino kiwah ki ba don haka Ri India,halor kane ka Jingmana Ki DC jong ki District bapher bapher ki ladep pynbna paidbah.
Ka jingkhlong maw ka long kaba jur bha ha kine ki sngi ha ka wah Lukha haki bynta jong ka shnong Borsara bad Kuliang ,ia une u maw la pyniit iew sha ki shnong bamarjan bad ruh sha ka Compani NBCC kaba shna ia ki jingker sainar sha khappud, u ma K Suchiang General Secretary KSU Narpuh Circle u la ong ban iada ia kane ka wah bad ruh ban burom ia ka hokum jong ka aiñ ka seng kala ujor ia kane ka jingtih mawbiaiñ sha u DFO Territorial Jowai bad ruh sha u DC East Jaintia Hills District.
Halor kane ka jingujor haduh mynta ym don ba patiaw iakane , ka jingkhlong maw haduh mynta ka sngi ruh ka dang iaid shakhmat, n aka liang ka seng ka kyntu ia ki bor badei khmih ia kane bad ruh ia u DC ka East Jaintia Hills District ba kinshim khia iakane ka kam lemda kumta ka Seng ka hap ban shimda kiwei pat kilad ban pynbor ia ka sorkar ban leh ia kaba dokam.(SP News)
