Shillong, Nailar 22: Ka tnad Excise Department jong ka sorkar Meghalaya ka la leit ban pynlong ia ka jingiamareh pyntung kam ha ka kyrdan konsteble ha ka shnong Iertshyrwat kaba don sha lynti ban leit sha Mawdiangdiang ka jaka ka bym ia hap ha kaba ia dei bad ka leit ka wan na ka bynta kito kiba apply ia kane ka kam.
Bun na ki kmie ki kpa jong ki khynnah ki la ong ba kane ka jingleh kam dei kaei kaei hynrei ka dei ka jingleh ban pynsuhsat ia ki samla kiba apply ia kane ka kam. Ym tang ia ka jaka hynrei ka por ba ki buh ruh ka long kaba jynjar bha namar ba kihap ban poi sha katei ka jaka ha ka por san baje mynstep.
Kane ka jingbuh por san baje mynstep ka la pynlong ia ki samla kiba la apply ia katei ka kam ba ki hap ban mih na la iing ha ka por 3 lane 4 baje mynstep bad kane ka dei ka jaka ba jynjar ban ioh kali, kiba lah ban poi dei tang kito kiba don kali ha iing bad kiwei pat ki bym don kali ki la hap ban wai ha ka dor kaba rem.
Bun na ki kmie ki kpa ki la buh ia ka jingkylli ba lei kane ka tand sorkar ka jied ia kane ka jaka kaba ym ia hap bad ia ka por ba ki buh ruh kam long kaba baing. Lada ia ki shipai la lah ban ai jaka ha madan polo ban pynlong ia ka jingpynmareh pynrung kam balei ka sorkar kam lah ban ai ia ka excise department ba kan pynlong ia kane ka rally ha madan polo
Ha kaba ia dei bad ka por wat ki nongtrei kiba dei na ka Excise department ruh ki la kren byniaw namar ba ki hap ban poi sha ophis kumba 3 baje ei ei khnang ba kin dup lah ban poi sha katei ka jaka ban shim kyrteng ia ki khynnah kiba wan ban ia mareh ha kane ka jingkhot pynrung kam constable
Ka jingiamareh na ka bynta ki shynrang kiba la pynlong ha ka 21 tarik la pynmareh na Ietshyrwat sha jaka ieng kali ha polo bad na ka bynta ki kynthei mynta ka sngi kihap ban leit ai kyrteng ha Ietshyrwat bad ka jingmarah ka sdang na Langkyrding sha Polo ha ka jaka ieng kali.(SP News)
