Shillong, Nohprah 07: Don aiu sha lyndet jong ka jingplie kyrkieh ia ki iing jong ki ba duk kiba la shna ha Nongmynsong ha kaba ia ka jingtrei ym pat lah ban pyndep. Na ki 600 tylli ki iing kiba dei ban sam sha ki ba duk tang 96 tylli kiba la jan dep.
Ka myntri ba dei peit ia ka tnad pynroi sorkar ka Kong Ampareen Lyngdoh ka la leit ban plié ia kitei ki iing kiba dang sah khongreng ha ka jingiadon lang jong u MLA jong katei ka jaka u Bah AL Hek. Ka pisa ban shna ia kine ki iing ka dei kaba la bei da ka sorkar pdeng na ka “ Basic services for Urban poor” lyngba ka tnad shna iing jong ka sokar pdeng.
Katkum ki kyndon jong ka sorkar pdeng ka long ba u nongshong ha kine ki iing u dei u ba shong tang shipor bad lada u nongshong u lah ban pynbiang ia ki kyndon kiba la buh pat da ka sorkar pdeng un kylla long u nongshong ba pura bad yn kylla trai iing.
Ka jingshna ia kine ki iing ka la kot sha ka 21 klur tyngka ia kaba la bei da ka sorkar pdeng. (SP News)
