Shillong, Nohprah 28: Ka jingsniew jong ka surok na Polo sha Nongmynsong ka long ka kum ka surok sha ki nongkyndong, mynta u snem ha ki bnai pyrem ka PWD ka la phah kyrkieh ia ki kontraktor ban siang rong ia kane ka surok hynrei kynsa la shu sangeh bad sah teng haduh kine ki sngi.
Ki paidbah kiba iaid ba ieng na kane ka surok ki lap ia kane ba shiliang jong ka surok la sdang ka jingsiangrong kata shiliang pat la shu ieh kumto, ha ka por 
ba sdang ia kane ka jingsiang rong la ong ba kan wan ka Chairman jong ka sorkar UPA ka Sonia Gnadhi bad la pynsted ia ka jingtrei kam hynrei mar ia ioh khubor ba kam wan shuh la sangeh.
Katkum ki jingtip kiba la ioh da u SP News Agency ka long ba ia kane ka surok la bei pisa da ka sorkar pdeng ban trei ia kane ka kam na ka Special Central Scheme, hynrei kaba pynlyngoh ia ki paidbah ka long ba kane ka surok ka sah khorng reng haduh kine ki sngi khlem trei.
Bun na ki paidbah kiba iaid na kane ka surok kiba leit sha ka hospital kaba don ha Mawdiangdiang ki la kren ba imat lada kim wan ki heh na Delhi ka jingtrei ka la sah kut, Lada ka sorkar ka leh kumne ia ki surok ha sor Shillong ia kiba ha nongkyndong nai ia kren shuh.(SP News)
