Shillong, Lber 13: U Director General jong ka tnad shipai iada khappud (Border Security Force) BSF, u Subhas Joshi IPS ha dien ba u la shimti ia kane ka kam u la wan da lade sha kane ka jylla Meghalaya ban wan peit ia ka jingling jingman ha ka thain khappud ka India bad ka Bangladesh.
Ha kane ka jingwan jong u la leit ban jngoh ia ka Pyrdiwah, Dawki bad u la ia kynduh ia ki paidbah ha katei ka thain ban ia kren bad ki. Ha dien u la wan jngoh ia kitei ki jaka u la lum ia ka jingialang jong ki heh BSF ba dei na ka North Eastern Frontier ban ia kren halor ki kam pahara kahppud.
Ha ka jingkren ka jong u ia ki heh jong ki BSF kiba dei peit ia kane ka Frontier u la ong ba ka kam kaba ha khmat eh ban ai ka jingiada kaba bha ka long ba ki shipai BSF ki dei ban don ka jingiadei kaba jan bad ki paidbah kiba shong shnong ha khappud bad ka Bangladesh.
Ha kane ka jingialang u la pynpaw ruh ia ka jingsngew kmen ka jong u ban iohi ba ki kam ba bha ba ki BSF ki la leh kila sei soh ha kaba ki paidbah ha ki thain khappud bad ka Bangladeh ki laioh ban im ja na ka jingiarap jong ki shipai BSF.
Na ka liang jong u Director General u la leit ban ia kynduh ia u Lat ka jylla u RS Moosahary ha kane ka jingiakynduh ki la ia kren bun ki kam ha kaba ia dei bad ka jingia jingiada ia u pud u sam ha kaba ia dei bad ka khappud bad ka Bangladesh.(SP News)
