Shillong, Iaiong 28: U IG jong ki BSF u Sh Sudesh Kumar, IPS, ha ka jingialang paidbah kaba la long mynta ka sngi ha Dalu ha South Garo Hills u la ong ba kumba ka long mynta ka jingwan tuid kyrthep jong ki khar Bangladesh sha India ka jur bha na ki bynta jong ka Garo Hills.
Ban iada ia kane ka jingwan rung beain ka jong ki u la ong ba ka long kaba don kam ba ki paidbah kin ia ka jingiatreilang hapdeng ki nongshong shnong bad ki shipai BSF kiba don ha khappud namar ka jingdon ka jong ki ka long ban wan ia ka jingshong suk shnongshngian.
U la kyntu ia ki paidbah ba ki dei ban leit rep na ka bynta kito kiba don jaka rep sha shillang jong ka jingker ksainar shniah. U la ong ba ki shipai BSF ki kwah ban iarap ia ki briew kiba don sha kine ki thain da kaba ai ia kine ki jingiarap ba kin kiew ha ka ioh ka kot ka jong ki.
Ki shnong kiba la ia poi sha kane ka jingai jingiarap jong ki BSF ki long ka Chandaboi, Silbaripara, Dalupara Para, Fakirkona, Dumnikora, Namchapara, Baburam Bill, Jatrakona, Dalugaon, Jhalopara, Managiri, Batabari, Chenkhali, Kapasipara, Kapasipara North, Kapasipara South, Ramchanga, Dhumagiri, Dipulipara, Baigankona, Goshgaon, Sibbari, Benaguri, Damdama, Rangrochi, Rasnagiri, Nilwagiri, Darshangiri, Adangiri, Badurboi, Netri, Dabram, Arapara, Jhankhol, Makbulkol, Malikana, Wagshik, Metha, Baghmara, Bhawanipur, Bilkona, Rangasora and Badambari.
Ha kane ka sngi la sam ia shibun ki tair kumba la leh ha kiwei ki jaka kiba dang shu dep sam ha kine ki sngi kiba la leit noh na ka liang jong ki paidbah ruh ki la pynpaw ia kane ka jingle bha jong ki shipai BSF.(SP News)
