Shillong, Jylliew 04: Ka sorkar Meghalaya kala thoh sha ka sorkar pdeng ban pan kynhun shipai shuh sa hynnriew company na ka sorkar pdeng ban ialeh pyrshah ia ki kam lehnoh ha Garo Hills namar tang ki pulit kiba don mynta kan nym lah ban tehlakam ia ka jingdon ki seng lehnoh ha katei ka thain.
Ha kane ka jingpan kynhun shipai shuh na ka sorkar pdeng kam shym la jer kyrteng ia ka khynhun shipai ba kan phah hynrei la sngewthuh ba ka sorkar ka kwah da ka kynhun CrPF lane da ki Shipai BSF lada ka sorkar pdeng ka don ban phah.
Katkum ki jingtip kiba la ioh da u SP News Agency ki iathuh ba ia kine ki hynriew tylli ki company kiba ka sorkar pdeng kan sa phah hapoh kine ki shitaiew lane ar tiew yn pyndon kam ia ki ha East Garo Hills District bad ki katto katne ki bynta jong ka West bad South West Khasi Hills District.
Ka kynhun pulit bad ki shipai jong ka sorkar pdend kiba don mynta ha ka jylla ki dang long kiba duna palat ban tehlakam ia ki kam lehnoh namar bun na ki la pyndon kam ha kaba kin pyndep ia ki kam kiba dei man ka sngi.
Kine ki hynriew tylli ki company ki ban dang wan yn pyndon kam ia ki tang na ka bynta ban ia khun pyrshah ia ki kam lehnoh ha kitei ki lum Garo. Ka jingmih ki seng lehnoh kiba kum ki tid ha Garo Hills ka la buh ia ka sorkar ha ka jingeh naka daw jong ka jingduna ki bor pulit.(SP News)
