Shillong, Naiwieng 07: Ka skul : Little Flower Secondary School, ka la dap mynta sanphew snem ha ka jingialeh ka jong ka ban pynphriang ia ka jingnang jingstad sha ki briew jong kane ka jylla Meghalaya bad ia kane ka sngi la rakhe mynta ka sngi.
Ha ka jingkren jong u Lat ka jylla u Ranjit Shekhar Mooshahary, u la ong ba ka jingjop kaba khraw tam ka long ba kumno la pynwan dur ia ka lawei jong ki khynnah ba kin long kiba shemphang ha ki ba bun ki liang. U kyntu ia ki samla pule jong kane skul ba kin long ki briew kiba don ia kata ka mynsiem ban ia pyrkhat lang ha ka imlang sah lang.
Ha ka jingkren jong u Deputy Chief Minister Bindo M Lanong u la ai ka burom ia kane ka skulk aba la iaid mynta la sanphew snem ha ka jingiaid ka jong ka bad ha ka juh ka por u la ong ba ha kane ka juk kaba mynta ban im don kam ia ka jingnang jinstad bad ka jingshlur.
Ha kane ka sngi la pynlait paidbah ruh ia ka sobenir jong kane ka skul ha kane ka jingrakhe ia ka jingdap san phew snem ka jong ki. Ha kane ka sngi ki la don bun ki jingialehkai ban pynhun ia kiba la poi ban ia shim bynta ha kane ka jingle kmen.(SP News)
