Shillong, iaiong 27: Ka jingialang ba 18 jong ka seng ki doctor ia kaba la tip kumka Meghalaya Meical Services Association (MMSA) kala pynlong ia ka jingiakynduh lang kaba shisin shisnem ha Pinewood hotel Shillong.
Haba kren kum u kongsan ha kane ka jingialang na ka liang jong u myntri ba dei peit ia ka koit ka khiah u Bah AL Hek u la ong ba ka jingiaroh ka leit sha ki namar ka jingtrei minot ka jong ki ia ka kam. Kane ka jingialang ba shisien shisnem long kaba don kam ba ki lah ban ia phylliew jingmud.Ha ka juhka por u la iathuh ruh ia ki skhim kiba bun jaid kiba ka sorkar ka don ban leh na ka bynta ki paidbah.
Ha kane ka jingialang ki la ia kren bun kiwei kiwei ki kam jong ka seng bad ha ka juh ka por kila pynpaw ba ka kam jong kam dei tang ban kin trei ha kaba ai jingsumar iaki briew hynrei ki dei ruh ban long kiba iai shah.
Ka doctor Doricia Pariat Director of Health Services (Research), Meghalaya kala ong ba ka kam pule doctor kalong ban ym ba don mano re mano na dien ban ong khih leit ban pule doctor hynrei ha dien ba ki la dep ia ka jingpule ki dei ban sngewthuh ban iarap ia ki briew da ka don ia ka mynsiem jingiashah.
Ha kane ka jingialang la ia kren ruh ia jingeh kaba ia ia kynduh na ka por sha ka por khamtam ki doctor kiba trei sha ki nongkyndong, khamtam ha kaba ki kot ki bor kiba don kam ban sumar ia ki briew kim biang bad ki jaka sah ruh kim biang.
Naka liang jong ki doctor ki kyntu ia ka sorkar ba kan pynbiang ia ki jingdon kam khnang ba kin lah ban ai ka jingshakri kaba biang ia ki paidbah kaba long kyrpang sha ki nongkyndong.(SP News)
