Shillong, Jymmang 19: U Deputy Commissioner jong ka East Khasi Hills u la ong ba u la ioh ia ka jingtip ba ki don katto katne ki samla kiba la leh ia ka kam ia kaba la tip kum ka jingmane ksuid hapoh jong kane ka District.
La ong ba ia kane ka jingmane ksuid la ong ba kala paw ha kiba bun rukom kum kaba iaid lynbuid, ban pynjot ia ki lum jingtep, ban pynjot ia ki dak kiba khuid bad ki balang ki khein kyntang bad ki jingthoh kynsha da ki samla kynthei bad shynrang khamtam ha ka por shiteng synia.
Kane ka jingleh kala ktah ia ka jingsngew jong ki riew ngeit khristan ha baroh kawei ka District bad kala pynsah nud ia kiba bun ba lang. Na ka liang jong u DC u sngew ba kane ka jingleh kan wanrah ia ka jingma ha ka imlang sah lang bad ka jingma ruh kan ap ia ki paidbah bad kan pynthud ia ka shong suk shong sain.
Na kane ka daw ba u DC u la pynmih ia kane ka hukum ba la khang pyrshah ia kitei ki jingleh baroh bad la pynjari ia ka kyndon ain 144 CrPC. Kane ka hukum ban khang ia kum kitei ki jingleh la khang naduh mynta ka sngi ba mih kane ka hukum.(SP News)
