Aizwal, Nailar 13: Ka sorkar Mizoram lyngba ka tnad Horticulture Department kan pynlong
ia ka tamasa “Grape Festival” kaba ar sngi linter ha ka 22 bad 23 tarik mynta u bnai ha Champhai kum shibynta ban khring ia ki nong jngohkai pyrthei.
Na ka liang jong ki Tour Operators jong ka jylla Mizoram ki la ki la pynbna ia ka jingai dor kaba kyrpang na ka bynta ki briew kiba kwah ban leit sha katei ka tamsa jong ki bad ka dor kaba ki la buh ka long kaba bit tang T.4000 tyngka marwei.
Kane ka aiom leh kmen kan sdang naduh ka 20 tarik mynta u bnai haduh ka 25 tarik. Ka jingpidangburom ia ki briew ban a shabar jong ka jylla kiba leit sha katei ka tamsa kan long naduh ka 20 tarik mynta u bnai ha kad lieng suin Lengpui.
Ha kine ki sngi yn ialam ia ki nongleit ia shim bynta ha katei ka tamsa sha ki jaka jngohkai bapher bapher bad kaba kongsan kan long ha ka pung Rih Dil Lake, ha Myanmar kane ka pung ka long ha ka dur jong u klongsam jong u briew ha kaba ki tynmen hyndai ki ngeit ba ynda u briew u khlad noh u leit sha kane ka jaka.
Ha kane ka jaka ki don bun ki jingpynbyrngia ia ki briew ban peit kai kum ka jingkieng lieng, ki jaka sah jong ki lyngdoh ka niam Buddhist, bad ki don ki shnong rit ha kaba ki lah ban ia kren bad ki briew kiba don ha kane ka jaka.
Ka tamasa leh kmen “ Grape Festival” kan long ha ka 22 bad ka 23 tarik mynta u bnai ha Champai. Na ka liang jong ka sorkar Mizoram ka khot ka wer ia baroh ba kin iapoi sha katei ka jingleh kmen bad ban peit ia ka jingitynnad jong ka jylla Mizoram.(SP News)
