Shillong, Nailur 24: ka kynhun ki seng sain pyrthei kiba kynthup
ia ka party , KHNAM, HSPDP, UDP bad NPP mynta ka sngi ki la ia kynduh ha Shillong Club ban ia kren halor ka jingdawa ba dei ban pyntreikam ia ka ILP ha kane ka jylla Meghalaya.
Haba kren ha ki nongthoh khubor ha dien ka jingialang u Bah Pyndap Saiborn president jong ka KHNAM u la ong ba ha kane ka jingialang jong ki seng sain pyrthei kila shim ia ka rai ban kyrshan ia kane ka jingiadawa jong ki seng bhalang ba ka sorkar ka dei ban pyntreikam noh ia la ILP.
Ha kane ka jingiakynduh mynta ka sngi ki seng sain pyrtthei kiba la poi sha kane ka jingialang ki la shum ia ka rai ban thaw ia ka Joitn Forum jong ki seng sain pyrthei ha kine ki ar lai sngi ban wan bad kane kan leit sah baroh ki District ban pynshai paidbah ia ka jingdon kam ban pyntreikam ia ka ILP ha kane ka jylla.
Kane jingialang kaba la long mynta ka sngi ka la dawa na ka sorkar ba ka dei ban sangeh noh shisyndon ka jingthwet ia ki nongialam seng bhalang , ha ka jaka ban thwet ia ki ka sorkar ka dei ban pyrkhat ban pyntrei kam noh ia ka ILP.
Haba ia dei bad ka jingong jong ka UDP ba dei ban pyntreikam ia ka ILP da ki kyndon kiba thymmai na ka liang jong u president jong ka KHNAM u la ong ba ka lah ban long da kano kano ruh kampher tang ba ia ki paidbah jong ka jylla Meghalaya don kam ia ka jingiada.
U nongialam jong ka NPP u Aldo A Sangma, ka jingkren jong u Dr Mukul ba kan shim por ba hap ban ioh ia ka jingbit na ka sorkar pdeng, u tei u nongialam jong ka NPP u la ong ba kan long kaba suk namar ha Delhi ruh dei ka sorkar Congress ha jylla ruh dei ka seng Congress ba bat ia ka bor. Hynrei ka jingeh ka long ba ka seng Congress ka ap hukum beit tang na ka high command kane ka dei ka jingeh.(SP News)
