Shillong, Naitung 20: U Director ba dei peit ia ka jingpynrum kam shipai ha kane ka dong hsatei lam mih ngi jong ka Ri India u Colonel Tarun Kumar u la ong ban a ka liang jong ki kila pyrshah katba lah ban ia trei lang bad ki bor sorkar bad ki Deputy Commissioner ban pyntip ia kane ka jingpynrung kam shipai wat sha ki nongkyndong.
Haba kren ha ki nongthoh khubor ha madan polo, na ka liang jong u colonel Tarun Kumar u la ong ba ha ka kam shipai kam don kata ka jingbah bynta kyrpang na ka bynta jongno jongno baroh ia long lang kumjuh dei na kane ka daw ba ia kane ka jingpynrung kam shipai la pynlong da kane ka jingiamreh katba u lah.
Haba jubab ia ka jingkylli hato ka don ne em ka jingpyrkhat kaba kyrpang ia ki briew jong kane ka thain namar ba kilyngkot briew bun sien kim ioh rung ha ka kam shipai tang namar baki duna ka ryngieng, na ka liang jong u Colonel Kumar u la ong ba ka don ka jingbthah ba iaki ktato katne ki kynhun lah ban pynduna da ar centimeter.
Hynrei ban pan kyrpang na ka bynta kano kano ka kynhun pat ka shong ha ka sorkar jylla ba kan thoh sha ka sorkar pdeng na ka liang jong ki hap ban bud ia kaei kaba la bthah ia ki ban leh kumta.
Naka liang jong u Colonel u la kyntu ia baroh ki samla bad ia ki kmie ki kpa ba kim dei ban shah pynbiej ha ki riew khwan myntoi shimet ban ong ba ki lah ban pyniap kam shipai. Kane ka long kaba bakla shibun. Ka jingpynrung kam shipai ka long kaba khuid ha kaba ki samla hi ki hap ban lah da lade ha ka jingiamareh bad ban pynbiangia ki jingdon kam.
Yn tang kata na ka liang jong ki bor shipai ki pynshlur ruh ia ki samla kynthei jong kane ka dong ba kin rung ha kane ka kam shipai bad kumba ka long mynta ka don ka jingwan jong ki kynthei na ka jylla Mizoram bad na ka jylla Manipur. U Colonel Kumar u kytu u wer ia ki briew kane ka thain ba kin wan sha kane ka kam shipai.(SP News)
