Shillong, Iaiong 10: Ka Meghalaya State Cooperative Marketing & Consumers’ Federation Ltd.(MECOFED) ha dien ba ka sorkar ka la pynduna ia ki nongtrei da kaba ai iaki da ka Golden Hand shake ka la sdang ban lah ban kyrda da lade ban pynbiang iaka bainong jong ki nongtrei na ki kam kaba ki trei man ka sngi.
Ban pynmih pisa shuh shuh na ka liang jong ka MECOFED ka la ai wai noh ia ki ar tylli ki jaka ha Jaintia Hills, kawei ha Dawki bad kawei ha Thadlaskein sha ka tnad Tourism ban shna iing basa, katba ka jaka ha Tura pat la aiwai sha ka Tura Municipal Board ban shna jaka ieng kali.
Ia ki jingtrei kam jong ka MECOFED la pynsynjor da ka sorkar ha ki snem kiba la leit noh da kaba shim noh iaki kam supply na ka bad aiti noh ia ki sha ki riew shimet.(SP News)
