Shillong, Naiwieng 06: Ka Dorbar Shnong Sheila kan nym ailad ia kino kino kiba shong basah hapoh ka area jong ka Dorbar Shnong Shella ban pynrung kyrteng thep vote ha ka Electroral Roll jong ka Shnong Shella khlem da ioh ka jingpynshisha ne ki Residential Certificate na ka Dorbar Shnong Sheila.
Namarkata ka Dorbar Shnong Shella ka kyrpad jur ia ki khun ki hajar jong ka shnong Shella kiba don shabar shnong ban ia shim bynta lang na ka bynta ka iap ka im ban ia poi lang hapoh ka Shnong Shella na ka bynta katei ka kam jong ka Shnong ban khanglad ia kino kino kiba mut ban pynrung kyrteng thep vote hapoh ka shnong Sheila khlem da ioh ia ka jingpynshisha ne ki kot ki sla ne Residential Certificate na ka Dorbar Shnong Sheila.Kumta la kyrpad bad kyntu jur ba phin ia poi khnang khnang hapoh Shnong Shella ha ka por mynstep ha ka 12.11.2012.(SP News)
