Jowai, Jymmang 08: Ka KSU Sahsniang Unit ka la pynlong ia ka 3rd Maitshaphrang Upliftment Programmes 2014 bad ruh ka jingsam khusnam ia ki samla pule ba ioh 1stdivision ha ka SSLC & HSSLC jong u 2013 ha ka 6 tarik mynta u bnai haLittle Flower Secondary School Sahsniang B. Kane ka prokram ka longkum shibynta ban kynrong ia ka pule puthi bad ban pynshlur ia kikhynnah skul bad samla pule ka thain ban don ka mynsiem ka jingialeh ban kiew shaphrang ha ka jingnang jingstad ha ki thain.
La iashimbynta ha kane ka prokram da kumba 121 ngut ki khynnah skul na ki shnong Sahsniang A & B, Thangthring, Jongkasaro, Thangthring, Tumtum bad Mowshrot bad sakhi ia kane ka prokram da ki spah ngut kiwei ki para khynnah skul, ki nonghikai bad paidbah ka shnong. La plie ia
kane ka prokram da i Headmistress jong ka Kymprup sec. School, i kong
Bataihun Kamar ha ka jingiadon ryngkat lang i Rangbah shnong, u ma B.
Sten.
Ha kane ka sngi la pynlong ia ki prokram kum ka jingiakob dro & airong
halor ka phang Environmental pollution(sec), Rain harvesting(UP) bad
water cycle(LP), thoh essay halor ki phang Conservation of biodiversity(Sec), Issues of child marriage(UP) bad Ka jingpynjot ia
ka mariang(LP) bad ruh ki jingiakyntip bad ka iatyrko nia(sec + UP)
halor ka phang ba ‘Khamlah ka spah ban ia ka jingstad’.
Ka prokram ka long kaba pynshongshit/pynrhem mynsiem ia ki khynnah
skul ha kaba la sakhi ia ka jingshut jabieng ka jong ki ha ki prokram
baroh khamtam ha ka Jingkyntip bad Iatyrko nia. Ki khynnah skul ki la
lah ban pynpaw ia ki jingshisha lyngba ka debate ia ka jingbymlah ka
sorkar ban pyndep ban trei ia ka jingkieng Kureliya namar ka
jingbymlah pyndonkam ia ka pisa ba la mang bad pynkynmaw ruh ia ka
jingialeh ki riewkhraw, kum u Gandhi, da ka bor jingstad ym da kaba
ai pisa. Ki nongjop ha ka Iatyrko nia ki long, Mr. Shainborki Lyngdoh(Kymprup Sec. School), Miss Skhembokki Shadap(Jongkasaro UP School), Mr. Fortasus Laban(St Joseph UP School SSA, Thangthring).
Ha ka por sam khusnam sha ki nongjop, u kongsan u long u MDC ka thain,
u ma Chanky Lyngdoh bad u symbud kongsan da u samla Donald
Thabah(Educational Secretary KSU sengkmie) bad la iadonlang u samla
Ohibait Dkhar(Vice President KSU JHDU) bad kiwei ki dkhot ka KSU
Laskein Circle bad nawei.
Haba ai jingkren, u samla Donald Thabah u la kyntu ia ki khynnah
skul/heprit ba kin long kiba imsngi bad minot ha ki jingpule bad ban
pyndonkam hok ia ki sap ki phong namar ba ki long ka lawei ka thain
bad ka jaitbynriew rit paid jong ngi.
U ma Chanky Lyngdoh, haba ai jingkren, u la iaroh ia ka KSU ba ka lah
ban pynlong ia kum kine ki jaid prokram kiba donkam haduh katta2 ha ki
thain nongkyndong bad ruh u kyntu ia ki khynnah skul ba kin long kiba
kiba donakor ha iing ha sem ne hangno ruh bad ba kin niewkor ia ka
jingstad khnang ba kin long kita ki khlur ka shnong ka thaw bad ka ri
hi.
Ha kane ka sngi la sam khusnam(momentous) ruh sha ki ar tylli ki skul
secondary : Kymprup Secondary School & Little Flower Secondary School
kum ka jingithuh ia ka jingtreishitom ka jong ki nonghikai bad ka skul
hi ia ka jingpas bha(Cent Percent Pass Percentage) jong baroh ki
khynnah ba iakhun SSLC ha kine ki snem ba la leit.
Ka KSU Sahsniang Unit ka ai khublei ia baroh ki skul ba iashimbynta &
nonghikai ba iasnoh kti ha ka ban pyniaid ia kane ka prokram, ka KSU
sengkmie, JHDU & Laskein Circle bad ia baroh ki dkhot kiba trei
shitrhem ha kane ka kam bad ruh ia ki paidbah ka thain kiba kyrshan
ia ka seng na ka por sha ka por. La pyniaid ia ki jingialang da u
President ka Unit, u samla Joshua Lathong.(SP News)
