SHILLONG, Naitung 27: Da ka jingthmu ban pynshlur ia ka jingialehkai Golf ha kane ka dong shatei lam mih ngi jong ka Ri India ka kynhun shipai Assam mynta ka sngi ka la pynlong ia ka jingialehkai Amateurs Open Golf Tournament ha ka jaka ba ki dang shu dep ban shna thymmai.
Ia kane ka jingialehkai la pynshlur da u Lt Gen Ranbir Singh, AVSM, SM, Director General Assam Rifles, ha kane ka jingialehkai kumba 40 ngut ki briew ki la wan ban ia shimbynta kyntup ia ki briew na kane ka jylla Meghalaya.
Haba kren ha u SP News Agency, U IG (Administration) u ba dei ruh u Captain jong kane ka jingialehkai Golf u Brigadier Shammi Raj u ong ba “ Ia kum kane ka jingialehkai yn sa pynlong na ka por sha ka por ban pynshlur ia ki briew kane ka thain ba kin wan sha khmat ba kin dup lah ban ia shim bynta ha ki jingialehkai hapoh jog ka Ri.
U Brigadier Shammi Raj u la ong ba ki jingialehkai kum ka ia sait khnam, Polo kynjatball bad kiwei kiwei ki paw bha hakane ka thain, hynrei kane ka jingialehkai Golf ka dang dei ka jingialehkai kiba riew spah haduh mynta.
Kane ka jaka ialehkai ha kaba sdang ka dei tang 9 thliew hynrei mynta la lah ban pynbianghaduh 18 thliew katkum ka International Standart. Katkum ki rule ka long ba dei ba long 6000 yard hynrei kane ka jaka ialehkai ka don 5,600 yards ia kaba la pdiang da ka the Indian Golf Union – 0353 (EAST).(SP News)
