Shillong, Nailar 12: ka Bharat Sanchar Nigam Ltd. (BSNL), kaba dei kawei na ki company ba pyniaid ia ki mobile bad kiwei kiwei ki lad ai jingtip mynta ka sngi ka la plies a kawei ka shnat trei kam jong ka ha Rynjah.
Haba kren ha ka jingplie ia kane ka shnat trei kam u DP Sing (ITS) Chief General Manager Telecom, u la ong ba ka jingplie ia kane ka shnat trei kam kan iarap ban pynsuk ia ki paidbah.
Ka jingthmu jong kane ka shnat trei kam ka long ban pynsuk ia ki paidbah bad kan wanrah ia ka jingsuk haba ki leit ban don kam ha kaba ia dei bad ki jingdon kam ka jong ki, ka thong ka long ban trei kham bha bad trei shitom.(SP News)
