Shillong, Rymphang 01: Kum ka dak jong ka jingpyrshah ia ka jingshah pyniap jong u samla pule na ka jylla Arunachal Pradesh ha Nongbah New Delhi ha ki riew sniew u Nido Tania ha ka seng samla pule Arunachal Students’ Union Shillong (ASUS) kan pynlong ia ka rally la shai ka sngi ha Shillong.
Kane ka jingiaid paidbah kan sdang na ITBP Headquarter, ha jan Anjalee Petrol Pump bad yn pynkut hapoh jong ka Arunachal Bhavan ha Cleve Colony.
U Kakyar Dulom, President jong ka seng samla pule ASUS u la kyprad ia ki paidbah ba kin ia mih paidbah ba kin ia poi sha kane ka jingiaid ban wanrah ia ka jingsngew kum shupara ha baroh kawei ka Ri.
Ia kane ka jingiaid paidbah la kyrshan lang da ka Khasi Student Union – Central Body, Mizo Students’ Union –Shillong Unit, Naga Student Union–Shillong Unit, All Assam Students’ Union–Shillong Unit, Tripura Student’s Union–Shillong Unit, Manipuri Student’s Union–Shillong Unit, and others.(SP News)
