Shillong, Jymmang 16: Wat hapdeng jong u slap u ba jur ki paidbah nongshong shnong jong ka shnong Malki mynta ka sngi ka la pynlong ia ka jingiaid paidbah ban pyrshah ia ki kam bat bor ia ki khynnah bad kum juh ia ki kynthei, kane ka jingiaid paidbah ka long ban pyrshah ia ka jingshah leh beijot jong ka khynnah hynniew snem ha katei ka shong.
Kane ka jingiaid paidbah ka long ban pynbor ia ka sorkar ba ka dei ban shim ia ki lad ki lynti ban wanrah ia ki ain kiba khor khang ba ki nongleh kam sniew ki dei ban ngat ha ka jingsa jaka kaba sherkhei.
Kumba ka long mynta ka daw baroh ka long namar ba kim don ki ain kiba pyrkhing. Ki nongkren ha kane ka sngi baroh ki pynpaw ba ka sorkar ka dei ban thaw ia ki ain kiba khlian ba ki nongleh kam sniew in nym ioh ban lait da kaba suk.
Ka chairman jong ka State Commission for Women kong Theilin Phanbuh kala ong ba kane baroh ka dei na ka daw ba ki ain kiba don mynta ki long kiba tlot haduh katta katta.
Ha kane ka jingialang paidbah la kyntu ia ki nongmih khmat kiba dei ki kynthei ba kin ia kren ia kane ka kam hapoh jong ka sorkar. La ong ka kong P Nongsteng, kiwei ki nongkren ki la ong bay m dei tang ba pynshitom ia ki hynrei ladei ban tait ia ki na ka imlang sah lang.
Ha dien ka jingiaid paidbah la leit ban ai ruh ia ka dorkhas sha u Chief Secretary jong ka jylla ban dawa na ka sorkar ba ka dei ban leh tyngeh ia kiba leh beijot. La kyntu ia baroh ki shnong ki thaw ba kidei ban pynlong ia kum kine ki jingiaid paidbah ban pynbor ia ka sorkar ba ka dei ban wanrah ia ki ain kiba khlain ban pynshitom ia ki nongleh kam bymman.(SP News)
