Shillong,jymmang 30: Kum ka dak ban rakhe ia ka sngi ba kyrpang kata ka World Environment Day kaban long ha ka 5 tarik u bnai jylliew na ka liang jong ka seng Federation of Khasi Jaintia and Garo People (FKJGP) Mawlai Circle kan sa pynlong ia ka jingthung dieng bad pyllait Dohkha.
Kum shi bynta ban rakhe ia katei ka sngi ka seng kan pynlong ia ka jingthung dieng (Saplings) ha ryngkat ka jingiatreilang bad kawei na ki skul jong ka Mawlai ka Shullai Progressive School bad kumjuh ruh ha katei ka sngi ka Seng kan pynlong ia ka jingtheh dohkha ha ka por mynstep.
Ha katei ka sngi yn don ryngkat lang ruh ki Nongialam kiba ha khliehduh jong ka Seng u Bah Joe Marwein uba dei u President bad General Secretary Bah Wellbirth Rani .
Kumjuh ka Seng ruh ka pyntip bad kyntu ia ki President/Secretary bad baroh ki dkhot jong ka FKJGP jong ki Unit ki bapher-bapher ba kin sngewbha ban iapoi ryntihlang ha Ophis treikam jong ka Seng ha ka 3 u bnai jylliew ha ka por 3baje janmiet.
Kane ka long katkum ka kyrwoh khubor ba la pyllait da u Bah Khrawkupar Nongsiej uba dei u Chief Organiser jong ka Circle.(SP News)
