Shillong, Lber 18: U President jong ka seng Maitshaphrang Movement u Bah Michel Syiem haba kren ha ki nongthoh khubor mynta ka sngi u la ong ba baroh ki seng sain pyrthei ki la kren iaka ain kaba khlain ban ia da ia ka jingbam sap ha ka por election hynrei mynta pat ki sngap jar.
U la ong baka seng Congress kaba ialam ia kane ka sorkar kaba mynta wat tang 10 % na ka ain ruh ka khlem pyntrei kam, kane ka jingleh jong ka seng Congress ka la pynlyngoh balei ka leh kumne. Lada ka long ha kane ka dur ka long lehnoh ei ia ka seng Congress ban kdew ha ka jingkular election.
Katba ka kong Angela Ryngad ka la ong ba katba ka sorkar pdeng ha Delhi ka kyntu ia baroh ki sorkar jylla ba kin pyntrei kam ia kane ka ain, hynrei ba lei ha Meghalaya pat kim shym leh ei ei. Ka ain kaba la pass da ka iing dorbar thawain kam long kaba khlain, dei ban phah biang sha ka iing dorbar ban bishar bniah.(SP News)
