Shillong, Nailar 23: U Deputy Commissioner jong ka East Khasi Hills District u Sanjay Goyal u la ong ba ban tih pung ha iing khlem da ioh ia ka jingbit ka long beain. Baroh ki trai iing ki hap ban da ioh ia ka jingbit lada ki kwah ban leh.
Haba kren ha u SP News Agency, na ka liang jong u Deputy Commissioner u la ong ba kum u chiamran jong ka committee ba dei peit ia ka um hapoh ka District u la thoh sha ka u Chief Engineer jong ka jong ka tnad sam umbam ban jurip ia ka jingdon ki pung um ha kane ka nongbah Shillong.
La iathuh ba kumba ka long mynta ka committee ka la ioh shibun ki application kiba kwah ban tih pung ha phyllaw iing hynrei ki paidbah ki dei ban sngewthuh ba ym tang ba ki la pan jingbit kin ioh hynrei ka committee ka hap ban peit la ki dei hok ban ioh ne em.
Kane ka committee ka hap ban leit peit bad lada ka iing ka la don ia ka um jong ka PHE yn nym lahb an ai ia ki bad ha ka juh ka por ki trai kihap ban batai shai kaei ka jingthmu ka jong ki ban tih ia ka pung um.
Na ka liang jong u DC u la ong ba kito ki iing baroh kiba la dep ban tih ia ki pung um mynta ki hapb an leit ban register bad ka committee khnang ba kim dup lah ban pyndon kam lem kumta ka committee kan shim ba ka long beain.(SP News)
