Ban tip ia ka ktien jong ki wei ka long kaba don kam ha kane ka juk mynta: Dr Pallam

Shillong, Jylliew 07:  U myntri jong ka sorkar pdeng u ba dei peit ia ka pule puthi ka sorkar pdeng u Dr Dr. M.M. Pallam Raju mynta ka sngi u la buh ia u mawnongrim jong English and Foreign Languages University ha UMsawli.

Ha ka jingkren jong u ne u myntri ka sorkar pdeng u la pynkynmaw ba ha ka por ba u Dr DD Lapang u long u myntri rangbah ka jylla la ai ia kane ka jaka ban shna ia ka jaka pule na ka bynta ki jaid ktien baroh ha kane ka pyrthei.

U myntri ka sorkar pdeng u la ong ba ha kane ka juk kaba mynta ka long kaba don kam ban tip wat ia ki ktien jong kiwei nalor ka ktien phareng ia kaba tip lang baroh. Haba tip ia ka ktien ka long kaba suk ban ia sngewthuh la ka long hapoh ka ri  ne sha bar jong ka ri ruh kumjuh.

Ia u Mawnongrim la buh ha ka jingiadon lang jong u Dr DD Lapang, Dr RC Laloo myntri ka tnad pule puthi ka sorkar jylla,ka kong Wansuk Syiem MP Rajya Sabha bad kiwei kiwei ki heh sorkar bad ki briew jong ka University.(SP News)