Shillong, Iaiong 02: Ka kynhun ki heh sorkar jong ka Ri Thailand mynta ka sngi ki la ia kynduh ia ki heh sorkar jong ka jylla Meghalaya ban ia kren kumno kane ka Ri kan wan ban bei pisa sha kane ka jylla ha kiba bun ki kam.
Ha kane ka jingiakynduh na ka liang jong ka “ Board of Investment Thailand” (BIT) kaba la lam khmat da u Tharadol Thongruang u ba dei u minister jong katei ka Ri bad na ka liang jong ka sorkar Meghalaya la lam khmat da u Bah P B O Warjri additional Chief Secretary.
Kiwei pat ki lad khubor kiba la ioh da u SP News Agency ki iathuh b aka Ri Thailand kala phai khmat sha kane ka dong shatei lam mih ngi jong ka Ri India ha dien ba ka sorkar pdeng ka la wanrah ia ka “Look East Policy” kaba dang pynkhreh mynta ban pyntrei kam ia ka.
Kumba ka long mynta ka Ri Thailand kam lah ban ia kop b aka Ri Japan ne ka South Korea kaba la kiew namar kane ka ri ka dei ka ri kaba dang ialeh ba kiew kum ka Ri India hi kum juh, kane ka Ri Ka iohi ba kane ka jylla Meghalaya ka don ia lad ba kin wan ban bei pisa ha ka liang jong ki marpoh khyndew bad ka kam pynmih bording.(SP News)
