Shillong, Nailur 26: Ki pulit jong ka jylla mynta ka sngi ki la leit ban kem ia u Bah Kenestar Lyngdoh Sunn na ka shnong Umphyrnai ha dien ba u la shah kynnoh ba u la batbor ia la ka jong ka khunruid kaba dang 14 snem ka rta haduh ba kan da armet.
Katkum ka khubor kaba la ioh la ong ba ia kane ka jingjia la lap mynta ka sngi ha dien ba la leit rah ia kane ka khynnah ha jaka sumar jong ka sorkar ha Smit bad haba ki doctor ki la examin ki la lap ba kane ka khynnah ka la armet.
Na ka liang jong ki pulit ki la kem bad ki la pynngat ia u tei u briew ha ka ain POCSO Act. La ong ba kane ka khynnah ka la armet mynta la saw bnai.(SP News)
