Shillong Jymmang 29: Ka shnong Mawrong kaba don ha Ri Bhoi District kala beh shnong ia ka iing jong ka kong Bahunlang Rympai halor ka jingkynnoh ba ki dei ki menshohnoh. Halor ka hukum jong ka shnong kane ka long iing ki lahap ban mih na katei ka shnong.
U Bah Selekos Shadap bad ka kong Bahunlang Rympai ki shikurim mynta ka sngi ki la iathuh ha ki nongthoh khubor ha Shillong Press Club ba ha ka 12 tarik jong u bnai Lber mynta u snem ka dorbar shnong ka la phah soi ia ki ha kawei ka kot ban ong ba ki la beh shnong ia ki bad ki la hap ban mih naduh katei ka sngi.
U Bah Shadap u la iathuh ba mar ia mih na katei ka shnong kila leit ban ujor sha ki pulit kiba don ha Umsning Police Out post, hynrei na ka liang jong ki pulithaduh mynta kim shym la leh ei ei ia kane ka jingeh ka jong ki.
Na ka liang jong ki kur ka kong Rympai ki la thoh sha ka dorbar shnong Mawrong ba ki kwah ban ia suk noh khang ba ka iing ka sem jong ka kong Rympai bad u Bah Shadap kin ioh ban leit phai noh sha la ka iing ka sem hynrei na ka liang jong ka shnong kam shym pat shim ia kano kano ka rai haduh mynta.
Ka jingwan jong ki sha ki lad pathai khubor ban iathuh ia kane ka jingjia iaka iing ka sem jong ki ka long ban pyntip sha ki bor sorkar ba ki dei ban leh ei ei na ka bynta kane ka kamb an wanrah ia ki lad ki lynti ba kin ioh ban leit phai biang sha iing.(SP News)
