Shillong,kyllalyngkot,09: Ka Khasi Students’ Union Narpuh Circle kala pynpaw iaka jingsngew khiakaba jur halor ka jinglip light ba khah haka thain Narpuh hi baroh
kawei.
Ka jinglip bad jingthut ba khah khah ka bording electrict hakatei ka
thain ka wanrah iaka jingeh bad jingjynjar kaba khraw iaki paidbah ka
thain khamtam iaki khynnah skul ba hap khrehkot naka bynta ban iakhun
iaki exam bapher bapher mynta u snem.
Katei ka jingthut bad bymbiang ka bording ka pyndom bad pynbitar
shisha iaki paidbah katei ka thain haduh badon ki katto katne ki
paidbah kim banse ban byrngem wat ban ym siew bill bai bording shuh.
Don ruh kiba la ujor sha ki dkhot ka Seng ha katei ka thain ruh.
Halor katei ka jimgeh naka liang ka KSU ka dawa jur naka tnad bording
ban shimkhia iala ka kamram naka bynta ban pynbiang iaka bording hapoh
katei ka thain.
‘
Ka thain Narpuh kadei ka thain ba shah ktah tam naka jinglip ba khah
khah ka bording’ la ong u Samla Syrosse Lamare.
Ka seng ka byrngem ban leh tyngeh iaki nongtrei ka tnad bording lada
kam pynbiang light kloi hapoh katei ka thain, kane ka long katkum ka
kyrwoh bala pyllait da u President ka KSU Narpuh Circle Samla Syrosse
Lamare.(SP News)
