Shillong, Nnaiwieng 20: Ka long ka jinglehrian ia ki hynriew ngut ki dkhot jong ka “ m
inisterial committee” kaba la thung da ka sorkar ban pan jingmud na ki paidbah halor ka “draft Meghalaya Regulation of Landlords and Verification of Tenants Bill”. Ki samla pule ha ka jingdom ka jong ki mynta ka sngi ki la tar ia katei ka Tenancy Bill.
Kane ka jingiakynduh jong ka Ministerial Committee ia ki samla pule kala kylla huri hura namar ba ki la don ki briew kiba la kawang da ki kot ha ka jaka ba shong ka khynhun jong ki dkhot katei ka Committee.
Ka “Meghalaya Regulation of Landlords and Verification of Tenancy Bill, 2013” la wanrah ia kane ka draft ban ialeh kumno ban khanglad ia ka jingwan rung kyrthlep jong ki briew kiba na bar sha kane ka jylla Meghalaya. Ha kane ka jingialang ki samla pule na kylleng ki college bad na NEHU kila wan ban ia shim bynta lang bad ha kajingkren ka jong ki ki lap ba kane ka Bill ka don tang kijingduna suda.
Ia kane ka committee kaba la khlieh da u Bah Prestone Tynsong la pynlong mynta ka sngi ha state central library ban ia kren halor katei ka Bill kumno ban wad ki lad ki lynti ban pynbha ia ka na ka bynta ban ia leh ban tehlakam ia ka jingwan rungtuh ki mynder ri, u Bah Robert Kharjarin samla pule ain ha NEHU u la ong ba kane ka bill kam shym la the la kam ei ei ia ka jingwan ki briew kiba na bar.
Ha kane ka sngi kum ki samla pule ki la buh bun ki jingkylli sha ki dkhot jong katei ka committee bad haba kim ioh ia ka juabab kaba biang ki la mih noh sha bar da kaba tar ia katei ka Bill bad dawa ruh ba dei ban pyntrei kam ia la ILP ha kane ka jylla.
U Chairman jong ka Committee u bah Prestone Tynsong u la ong ba ka committee ka la sngewhun bad kane ka jingialang kaba la pynlong myngkong mynta ka sngi. U la ong ba dang don shuh kiwei ki jingialang kaba kin ia kynduh bad kiwei pat ki kynhun.
U Bah Ronnie V Lyngdoh u wei na ki dkhot jong kane ka committee u la ong ba ka sorkar ka la buhkhnang ia kane ka jingiakynduh ka long na ka bynta ban ailad ia ki briew ba kin pynsngew ia kaei kaba ki don ban ong halor kane ka Bill. U la ong ba lada ki briew kim kwah ban ia mir jingmud yn nym lah ban pynbor ia ki.
Bun na ki khlieh nongsynshar ki la dep ban pynpaw ia ka jingpyrshah ka jong ki ia kane ka Bill. Halor kane ki la don bun ki jingjia kiba la pynsngewsih ha kaba ki briew ki la duh ei ia la ka jong ka jingim bad ha ka juh ka por ka sorkar ruh ka la dep aid a ka mukotduma pyrshah ia kiba ia khih.(SP News)
