Shillong, Nailar 02: Ki paidbah jong ka shnong Mangsang kaba hap hapoh jong ka East Khasi Hills ha ka sngi palei mynstep ki la ioh ban bat ia ki ar ngut ki briew kiba la dawa pisa na ki paidbah ha ka kyrteng jong ki seng lehnoh bad ki la bom ia ki haduh ba kin da iap.
Kine ki ar ngut kiba la duhei iala ka jong ka jingim ha ka jingshah bom ha ki paidbah ki long u Luckystone CH Momin bad u Akil D Sangma. Ki paidbah kila ioh ban kem ia ki bad ha ka jingiabun briew ki la bom ia ki haduh ban da iap.
Na ka liang jong ki pulit jong ka East Garo Hills ha dien ba ki la ioh ia kane ka jingtip ki la leit sha katei ka shnong hynrei kaba ki poi kila lap ba kine ki brie war ngut ki la iap ha katei ka jaka.
Ki pulit ki la kit ia kitei ki ar tylli ki met iap sha Williamnagar Civil Hospital ban pyndep ia kaba donkam katkum ka ain, kat haduh ba thoh ia kane ka khubor kine ki met iap ki dang don ha Williamnagar Hospital.(SP News)
