New Delhi Lber 28: ka sorkar pdeng ka la bthah ia ki khat lai tylli ki jylla Assam, Manipur, Meghalaya, Nagaland, Tripura, Bihar, Chhattisgarh, Himachal Pradesh, Madhya Pradesh, Odisha, Uttarakhand, Uttar Pradesh and West Bengal ba ki dei ban thungnoh ia ki nonghikai na ka bynta ka skhim SSA.
Ka daw kaba ki tei ki khatlai tylli ki Jylla ki la ai ba kim lah ban thung ia ki nonghikai ha katei ka kam hikai ka long ba kim don ki briew kiba la tbit ban trei ha katei ka kam. Na ka liang jong ka sorkar Pdeng ka la pdiang ia ka jingpan por jong kitei ki Jylla bad la bthah ba kid ei ban pyndep noh ia kane ka kam thung nonghikai.
Ka sorkar Pdeng ka la dep ban mang pisa haduh T.6300 klur na ka bynta kane ka kam, katkum ka jingkwah jong ka sorkar Pdeng ka long ba baroh ki khynnah ha kane ka Ri India ki dei ban ioh ia ka lad ban leit skul.
Na ka liang jong ka sorkar Pdeng ka la shah ia kine ki Jylla ba ki dei ban thungkam biang ia kito ki nonghikai kiba khlem pat pyndep ia ka training ka jong ki na ka bynta ban pyntrei kam pura ia ka jingai jinghikai ei ia ki khynnah ha ki skul. Ka sorkar ka la dep bhah ban thung kam hikai haduh 19 lak ngut ha baroh kawei ka Ri India.(SP News)
