Shillong, Nailur 20: U myntri rangbah ka jylla U Dr Mukul Sangma mynta ka sngi u la btah ia u Chief Secretary ka jylla u Bah WMS Pariat ba un khot ia ki nongialam jong ka JACATAM sha ka miet jingiakren, hynrei ia ka sngi kim pat buh.
Ki thymmei khubor kiba la ioh da u SP News Agency ki iathuh ba mynta ka shong ha u Chief Secretary bay n buh ia ka sngi ban ia kynduh ia ki nongialam jong ka JACATAM na ka bynta ban ia kren.
Na ka liang jong ka JACATAM ka la dep pan ba ki kwah ban ia kynduh ia u myntri rangbah ka jylla ha lane shuwa ka 23 tarik mynta u bnai bad ki la dep ban pynbna ba lada u myntri rangbah u lah ban ia kynduh ia ki ha ka 24 tarik kin leit ban tur sha secretariat.
Na ka liang jong ka JACATAM ka la ioh ia katei ka jingtip mynta ka sngi bad kin dang ia shnong la shai ka sngi na ka bynta ban ia kren la kin pdiang ne kyntait ia katei ka jingphah jong u myntri rangbah ban ia kynduh ia u Chief Secretary ka jylla.(SP News)
