Shillong,Jymmang 25: U myntri ba dei peit ia ka tand pynroi nongkyndong mynta ka sngi ula buh ia u maw nongrim jong ka ophis ba thymmai jong ka DRDA ha phyllaw ka ophis jong u Deputy Commissioner jong ka East Khasi Hills.
Haba kren kum u kongsan ha kane ka sngi naka liang jong u myntri u la ong ba da ka jingdon jong kane ka ophis kan pynurlong ia ka jingkwah jong ka sorkar ban pynrulong ha ka ban kyntiew ia ka roikapar sha ki nongkyndong.
Naka liang jong u myntri u la kyntu ia ki nongtrei baroh kiba dei bad ki kam pynroi sha ki nongkyndong ba kin trei minot ia ka kam na ka bynta ban kyntiew ia ki paidbah ha ka ioh ka kot.
Haka jingkren jong u Deputy Commissioner jong ka East Khasi Hills u ba dei ruh u Cghairman jong ka DRDA u la iathuh ba ka jingheh jong kane ka jaka ka long 2300 phut sawdong kane ka iing kan long lai mala bad ka jinglut kan poi sha ka T.78.58 lak.
Kiba la ia don lang ha kane ka sngi ki long ki MLA jong ka East Khasi Hills bad ki ophisar na ka liang jong ka sorkar, la buh thong ba ia kane ka iing yn pyndep hapoh kane ka snem mang tyngka kaba mynta. SP News)
