Shillong, Naitung 18: ka tnad Excise ka la buh ia thong ba mynta u snem ka jingioh lum khajana na ka jingdie ia ka kyiad phareng kinioh lum T.161.69 klur tyngka. Da kane kan don ka jingkiew da 10% na kaei kaba la lum ha ka snem kaba la dep.
Ki thymmei khubor kiba la ioh da u SP News Agency ki iathuh ba na ka liang jong katei ka tnad jong ka sorkar jylla kan ialeh katba lah ban khanglad ia ka jingwan tuid ka kyiad parsi khamtam eh ha kane ka nongbah Shillong.
Ha kajuh ka por shena ka liang jong kane ka tnad sorkar kan sa pynthymmai ia ka rukom trei kam khnang ban pynkhlian ia ka rukom lum ia ki khajana kaba dei na ki dukan kyiad phareng. Haba ia dei bad ka jingai laisen ka shong ha ka jingai jingbit jong ka dong bad ka shnong.
Ha ka snem kaba la dep na ka liang jong ka Excise Department ka la ioh ban lum khajna na ka kyiad T. 150.88 klur kaei kaba ka departmentka buh mynta ka long ka jingkiew kaba tang 10% na kaei kaba mynshem shem bad kata ka shong ha ka iew.(SP News)
