Shillong, Naitung 13: Ka sorkar Meghalaya ka la ia ksaid tyngeh ban ioh shimti noh ia ka iing sorkar ia kaba la tip kum ka Meghalaya House kaba don ha Russel Street Kolkatta. Ka tand General Administration Department ka la trei shitom kumno ban ioh pisa ban siew noh ia ka bill kaba dang sah sha ka Company ka Asian Housing Corporation Limited ha u Nailar mynta u snem.
Ki thymmei khubor ki iathuh ha u SP News Agency ba na ka liang jongu myntri ba dei peit ia ka GAD u Bah HDR Lyngdoh u la shim khia hi da lade ban peit ba ki file baroh ki dei ban iaid ha ka rukom kaba dei ban dup lah ban pynbiang ban ioh ban pyndep noh ia kane ka iing kaba la ktah mat iong ia ki sorkar ha ki snem kiba la leit noh.
Ki thymmei khubor ki iathuh ban a ka liang jong ka Kolkatta Municipal Corporation kan sa ai ia ka jingbit na ka bynta ban shna ia ki nala ha ka sngi baa r bad mar ia ioh ia kane ka jingbit na ka liang jong ka AHCL ruh kan pyndep noh mardor ia kane ka jingtrei khnang ba ka kam kankhuid noh.
Na ka liang jong ka sorkar Meghalaya lyngba ka tand GAD Department ka la dep ban pyntip sha ka company kaba shna ia kane ka iing ba ka sorkar kan ia leh katba lah ban siew noh ha ka jingpynlait pisa kaba ar jong u ne u snem mang tyngka kata ha u Nailar, ia kaba la tip kumka “second quarter”.
Ka iing Meghalaya House kolkatta ka la wanrah ia shibun ki jingkylla wat ha ka sian pyrthei ha kane ka jylla Meghalaya, ym tang kata hynrei ka la wanrah ruh ia ka jingkiew dor kaba 100%. Ka dor jong kane ka iing ban tei ia ka ha kaba sdang ka long T.22 klur hynrei mynta ka la kot sha ka T.50 klur.
Kane ka jingkiew dor kaba 100% ka la pynlong ia ka sorkar Meghalaya ban thaw ia ka Committee ban bishar bniah ia ki jinglut jingsep ha kaba shna ia kane ka iing shuwa ba kan siew ia ka pisa kumba la kam da ka tei ka Company.
Kaneka iing jong ka jylla Meghalaya ha Russel Street Kalkatta, ka don ha ki ar bynta kawei ka long ja jaka sah jong ki briew bad kawei pat kaba sha khmat ka long ban buh ia ki dukan. Katkum ka jingkhien jong ka tnad GAD ynda la aiwai ia kine ki dukan ka jingmih kan nym duna ia ka T. 20 haduh T. 25 lak ha ka shi bnai.(SP News)
