Shillong, Jylliew 04: Ka jingshah sait jong ka riew kynthei ha Garo Hills ha ki lehnoh kiba la suba ba ki dei ki dkhot jong ka GNLA ha ka miet lai tarik kala pynbitar ia ki paidbah jong ka Garo Hills baroh kawei.
Kane ka jingjia kala jia ha kawei ka shnong nongkyndong ha South Garo Hills District, kane ka jingjia ka long ba kane ka kynthei kala ialeh pyrshah ia ka jingthmu jong kine ki lehnoh ban pynjot ia ka jinglong kynthei jong ka ha syndah iingjong ka.
Katkum kajingia thuh jong ki pulit la ong ba kine ki suba lehnoh kila bat ia kane ka kynthei ha syndah iing jong ka bad ki la khang ia kurim jong ka bad ki khun san ngut hapoh iing ha dien ba kane ka long kmie kala ia leh pyrshah ia ka jingthmu ka jong ki kila sait kumba hynrei kuli na ka khlieh jong ka.
Na ka liang jong u myntri rangbah ka jylla u Dr Mukul Sangma bad ka myntri kam poh iing ka kong Roshan Warjri kila pynrem jur ia kane ka kam poh jait pohrati jong kitei ki lehnoh kiba khlem don shuh ia ka rain ka rem ki long ong.
U PA Sangma MP jong ka Tura bad u James K Sangma MLA jong ka NCP kila pynrem jur ia kane ka jingleh jong ki lehnoh bad kila ong ba ka por ka la dei ba ki paidbah ki hap ban ieng ban ialeh pyrshah ia ki kam lehnoh.(SP News)
