Shillong, Rymphang 08: Hapoh ka jingialam jong ka KSU mynta ka sngi ki seng bhalang bapher bapher ki la pynlong ia ka jingiaid kaba jar jar da kaba rah lama iong na duh ophis jong ka KSU sha jan secretariat.
Kane ka jingrah lama iong ka long ban pyrshah ia ka jingshah siat iap jong ar ngut ki nongtrei jong ka phatok ha Williamnagar ha ki lehnoh ka katei ka jaka. Ha dien ka jingialum paidbah ki nongialam jong ka KSU ki la leit ban ia kynduh ia u Chief Secretary jong ka jylla u Bah WMS Pariat.
Ha kane ka jingiakynduh na ka liang jong u heh duh jong ka sorkar u la ong ba ka sorkar kan ai jingiarap T.7.5 Lak ia kiba la khlad nohm hynrei na ka liang jong ka KSU ka la dawa ba dei ban ai kam bujli u wei na ka iing jong kito kiba la shah ktah ha kane ka jingjia.
Na ka liang jong ka KSU ka la dawa ruh ba ka sorkar ka dei ban ai jingiada ia baroh ki nongtrei sorkar kiba don ha Garo Hills, Kumba ka long mynta ki nongtrei sorkar ha Garo Hills kim don ka jingshngian.(SP News)
