Shillong , Nailar 11: Ka Civil Society Women Organisation (CSWO) mynta ka sngi ka la ai da ka FIR Pyrshah ia u myntri kam poh iing barim jong ka jylla Arunachal Pradesh u L Wanglat u ba dei ruh u dkhot jong ka Shillong Golf Club halor ka jingkren pohjait ka jong u ia ki nongpat ha katei ka jaka.
Ia kane ka jingujor ka kong Agens Kharshiing mynta ka sngi ka la leit ai ha poh jong ka Pasture Beat House, Polo Shillong pyrshah ia u L Wanglat . Kane ka jingkren bein ka long ia ka kong Stela Kharsyntiew kawei na ki nongap ha katei ka jaka ha ka 19 tarik jong u Naitung mynta u snem.
Ha kane ka jingujor la ong ba na ka liang jong ki nongap ha katei ka jaka ki la leit ban ia kynduh ia u Director jong ka Shillong Golf Club hynrei ym shym la leh ei ei ia u Wanglat namar ba u dei u briew ba don bor kum u myntri kam poh iing ba rim jong ka jylla Arunachal Pradesh.
Halor kanre ka jingjia la pyntip ruh sha u bah A L hek myntri ka tnad ka koit ka khiah jong ka sorkar jylla u ba dei ruh u dkhot jong kane ka Club hynrei kane baroh ka long lehnoh ei ym shym donb a peit ne ia rap ia ki namar ka jingtieng ioh ki duh ia ka kam kim ban se ban shu sngap.
Halor kane ka jingshah kren jot na ka liang jong ka CSWO kam lah ban shu sngap ban ia da ia ki riew kynthei kiba trei shitom ban im ka jingim da kaba bylla ban kyndoi ja kpoh ban shah kren kumne kam lah ban shu sngap kam ban se ban ai ia kane ka jingujor sha ki bor ba dei peit. Ka CSWO ka dawa ba dei ban pynshitom ia utei u briew katkum ka ain.(SP News)
