Shillong, Risaw 5: palat ia ka 350 ngut ki khynnah skul kiba la ia poi na ki 12 tylli ki skhum ha kane ka nongbah Shillong ki la ia poi ban ia shim bynta ha ka jingialang ban kren pyrshah ia ka jingpang niangkulia bad kumno ban kiar na ka, ia kane ka jingialang la pynlong da ka Kripa Foundation.
Ha kane ka jingialang kiba la iapoi ki long 150 ki kynthei bad bad 200 ki khynnah shynrang, ia kane ka jingialang la pynlong ha ha madan polo.
Ka kong Loma Jyrwa haba kren ha kane ka jingialang ka la ong ba kaba kongsan eh ha kane ka juk kaba mynta ka long ban pynsngewthuh ia ki samla ba kin iaid ha ka lynti kaba beit ban pynlong ia kane ka imlang sah lang kaba khuid.
Ha kane ka jingialang kaweina ki nongpyniaid jong ka Kripa Foundation ka Sherrarad Wallang ka la ong ba haba ka don ka jingiatreilang ka long kaba jop. Ban kham pynshai shuh shuh ia kane ka jingman kaba ap na kajingpang Niangkulia bad kumno ban kiar na la pynlong ia ka concert ha katei ka jaka.(SP News)
