Shillong, Nailur 08: Ka tand pulit jong ka jylla Meghalaya ka la ai da ka jingpyntip (Notice) hapoh ka kyndon 41 CrPC ba ki dkhot jong ka KSU Nongmynsong kiba dang jah ki dei ban leit mih sha thnat la shai ka sngi.
Ki pulit ki la kem ia u president jong ka KSU Nongmynsong u Dondor Wahlang bad ia u General Secretary Banlumlang Lyngdoh namar ba ki pulit ki la lap na ka met jong ki ia ki jri bad ki maw, la kem lang ruh ia u Starsing Nongsiej u dkhot ka KSU.
Katei ka jingai notice jong ki pulit ia ki dkhot ka KSU ka long halor ka jingkynnoh ba ki don kti ha ki kam thang kali dangshen bad kine kiba shah ai notice kidei kiba jah na ki iing jong ki ha ka por ba ki pulitki leit ban wad ia ki.
Ha kawei pat ka jingjia ki pulit ki la kem ia ar ngut ki briew kiba dei ki dkhot jong ka KSU kiba la shah kynnoh ba ki la shoh la dap ia u Ajit Rai u nongniah ia ka kali Bolero ML05 J 4211 ha Iew Nongmynsong. Kine kiba la shah kem ki long u Raymond kharjana bad khrawbok diengdoh.(SP News)
