Shillong, Nailur 05: ban dang pynjur shuh shuh ia ka jingiakhih na ka 
liang jong ka JACATAM ka la khot ia ka pakhang ai ki skul ha ka jylla baroh kawei ha ki lai sngi lynter ka ban sdang naduh ka 11tarik haduh ka 13 tarik mynta u bnai.
Ha ka jingkren jong u Chairman ka JACATAM u Bah ED Nongsiang ha ka jingialang kaba la long mynta ka sngi ha Madan Malki u la ong ba kin dang iai bteng ia ka jingiakhih ka jong ki haduh ba ka sorkar kan da ai ia ki jingdawa ka jong ki.
La kyntu ia ki dkhot jong ka JACATAM ba ki dei ban leit ia kynduh ia ki MLA bad ki MDC ka jong ki ha man ki jaka bad ba kin dawa na ki ba kin ia kren lem na ka bynta kane ka jingeh namar la jied ia ki MLA na ka bynta ba kin peit ia ka khia ka shon jong ki paidbah.
Na ka liang jong ka JACATAM ka ai ka jingkular ba lada don ki nongpyniaid ia ki skul kiba leh ei ei ia ki nonghikai namar ki ia shim bynta ha kane ka jingiakhih ka jong kin a ka liang jong ka JACATAM ka shim ia ka jingkit khlieh ba kan peit ia kaba don kam.
Kiba bun na ki nongkren ha kane ka sngi ki la kynthoh jur ia ka sorkar bad khamtam ia u myntri ba dei peit ia ka tnad pule ptuhi bad ki la dawa ba u la dei ban hiar shuki noh namar ym don ka jingkit khlieh ia ki nonghikai kiba dei ki nongsain dur ia ka lawei jong ki khynnah. Lada ka sorkar kam khot ia kren kin dang pynjur shuh shuh ia ki jingiakhih ka jong ki.(SP News)
