Jowai, Naitung 21: Ka jaintia Youth Federation Sengkmie myn ha ka 19th-07-13 ka la leit ia kynduh bad u DM&HO jong ka jaintia hills ban pan jingshai na u halor ka koit ka khiah ki briew jong ka thain Narpuh bad Elaka Rymbai kiba shong ba sah ha ki jaka ba don ki kharkhana pynmih dewbilat.
Ka Seng da ka jingsngewkhia ia ka iap ka im jong ka jaitbynriew ba ka don ka jingsuba jur ba shibun na ki briew kiba sah ha ki thain Narpuh bad ka Elaka Rymbai ba ka koit ka khiah jong ki kam ka long kaba duna
bha, khamtam kito kiba sah ha ki bynta ba don ki kharkhana pynmih dewbilat.
Ka JYF ka la ioh ban shondur ia ka ia ka Star Cement ha ka por ba ka Power Plant jong ka, ka dang khlei bad pynmih tdem bha la kum u lyoh rben myntlang ong u tei u nongialam jong ka JYF.
Ban tip ia ka jingshisha baroh ka JYF ka pan da ka RTI syndon khnang ba ki briew jong ka thain kin tip bad ba hato ka lyer ba ki ring mynsiem man ka sngi ka long ka ba dang khuid ne em kum ha ki por ba
mynshwa, namar ka jingbun ka jingdon jong kine ki kharkhana pynmih dewbilat ka la buh ha ka jingeh ia ka koit ka khiah jong ki briew bad ia ki sawdong saw kun jong ka ong u P.Majaw president.
Ha ki ne ki sngi bun na ki briew jong ka ne ka thain ki kren khnium bad ia woh dong woh daw ba ka jingdon jong ki ne ki kharkhana dewbilat ka dei tang ka jingtim ia ki bad ia ka pateng ka ban sa wan, bun ki jingkylli ki mih mynta mano ban kit khlieh ia ka ne ka tdem kaba mih na ki ne ki kharkhana dewbilat? bad mano ban iada ia ngi na ka tei ka jingma? Hato ka Elaka, Kharkhana Dewbilat, MSPCB, Forest ne ka Sorkar? namar bun ki jait jingpang mynta ki la kharoi ha kine ki thain. La buh jingkylla ka seng JYF.(SP News)
