Jowai, Jymmang 07: Ka Federation of Khasi Jaintia and Garo People (FKJGP) kaba dei na Jaintia Hills ka la thoh sha ki kompeni shana dewbilat kiba don ha katei ka East Jaintia Hills District ba ki company ki dei ban thied ha ka dor T.6000 tyngka shiton u dewiong na ki paidbah.
Nalor jong kane ha ka shithi kaba la phah ka la buh ruh shibun kiwei ki jingdawa kaba ki compny shna dewbilat ki dei ban leh, kata ka long ba kinongtrei kid ei ban long ki khasi-Pnar bad ki Garo ha kino kino ki kam kiba lait.
Ia ka jingpynkiew ia ka tulop ka dei ban long 40%, ka dei ban ai kali na ka bynta ka leit ka wan ka jong ki bad ka jaka sah ruh kum juh. Kumba la ia kren ki compney ki dei ban shna ia ki skul na ka bynta ka jingmyntoi jong ki paidbah katei ka thain.
Haba ia dei bad ki nongtrei ki bym dei ki trai jylla ki dei ban da register katkum ka ain jong ka Labour act. Ha ki jaka ba ki tih ia u mawshuh ki dei ban thung bujli da ki dieng. Ia ka dewbilat ha Jaintia Hills dei ban die tang T.190 tyngka shi byrni la dawa ka FKJGP.
Halor jong kane ka shithi kaba la phah da ka FKJGP na ka liang jong ka Jaintia Hills Cement Manufactures Association (JHCMA) ka la thoh sha u Deputy Commissioner ka East Jaintia Hills district ha kaba ka JHCMA kala pyntrei kam ia kaei kaba la dep ban iathuh kular bad ki dorbar shnong ha kaba la kyntheup lang ia ka jingdawa jong ka FKJGP.
Ha ka juh ka por ka JHCMA ka la dew ba ki don ki jingdawa ia kaba ki compny kin nym lah ban leh kumba la kwah da ka FKJGP, ha kaba ia dei bad ka dor jong ka dewbilat la pyntip sha u DC ba ka FKJGP kam don hok ban tuklar ia kane. Namar ki company ki la dep ai ia ka dor kaba tad sha ki trai shnong tang ha ka dor T.160 tyngka shi byrni.
Haba kaba ia dei bad ka jingong ba dei ban thied ia u dewiong ha ka dor T.6000 tyngka shiton kin nym lah ban leh namar ka dor ha iew ka long kham duna ban ia kaba ki buh bad ki don ki jingdawa kiba la tuklar wat ia ki jingtrei kam jong ki Company pynmih dewbilat ha Jaintia Hills la ong ka JHCMA.(SP News)
