Shillong, Jymmang 31: Ka seng Hynniewtrep National Youth Federation
(HNYF) jong ka East Jaintia Zone kala pynrem jur ia ka shah byrngem
jong u Oreganisng Secretary jong ka HANM-JH khlem kano kano ka
daw.
Haba ia kren bad u Bah SL Syad uba dei u General Secretary jong ka
HNYF -East Jaintia Zone u la ong ba kum ki nongialam sengbhalang
bapher bapher kiba don ha East Jaintia Hills man ka por ki ju iatrei
lang ryngkat na ka bynta ka bha ka miat jong ka imlang sah lang,
hynrei halor kane ka jingshah byrngem ia u Samla Ency Shadap
uba dei u Oreganisng Secretary jong ka HANM-JH khlem kano kano ka daw
na ka liang jong ka seng ki pynrem jur halor kane.
Kum ban shu pynkynmaw ba ia u Samla Shadap u la shah byrngem ha
ka 17 tarik mynta u bnai ha ka por 8.44 janmiet hadien ba u la ioh
pdiang ia kawei ka telephone bad ka message na u wei u number phone
uba don ia u number +919720879665.
Katkum ka ejahar ba la mudui da u samla Ency Shadap sha Khliehriat
Police Station la kdew ba u briew uba la byrngem ban ia u la
tip kyrteng kum u Lucas Rymbai ba na ka shnong Ladrymbai (Parma).
Shuh shuh na ka liang jong u Bah Syad u la ong ba hadien ba la ioh ban
pule lyngba ki kot khubor mar mar u la leit ban ia kynduh ia ki pulit
jong ka Khliehriat Police Station ban tip ia ka jingshisha baroh.
Ha kajuh ka por na ka liang jong u Bah Syad u la iathuh ba ha ka
jingiakynduh bad ki pulit jong ka Khliehriat Police Station u la kyntu
ia ki ba ki dei ban kem noh mardor ia u tei u briew u ba la byrngem
ia u samla Ency Shadap khnang ban lap ia ka jingshisha baroh.
Katkum ka tyllong khubor ba la ioh la ioh jingtip ba na ka liang jong
ki pulit kila lap ba ia katei ka sim card ba la byrngem da u Lucas
Rymbai kaba don ia u number +919720879665 ka dei ba don ia ka kyrteng
jong u Bah kamlang lyngdoh uba trei kam pulit bad mynta u don ha
nongbah Delhi jong ka IRBN hynrei ia katei ka simcard ka jong u pat la
pyndonkam pat da u Lucas Rymbai uba dang pule hapoh Dehradun,Selaqui
international school.(SP News)
