Shillong, Kyllalyngkot 04: Ki samla kiba la pass ia ka gradeIV ha u snem 2011, ia kiba ka sorkar kam pat lah ban ai kam ia ki haduh mynta ki la pynlong ia ka jingiaid paidbah wat hapdeng ka jingkhang pyrshah jong u Deputy Commissioner jong ka East Khasi Hills.
Kane ka jingiaid paidbah ka la sdang na Mawkhar bad ki la iaid ter ter haduh ban da poi sha Secretarait.Ka jingdawa ka jong ki ka long ba ka sorkar ka dei ban thungkam noh ia kiba la pass baroh kiba dang sah mynta namar ki don bum ki kam kiba lait ha ki ophis ia kaba la shu thung ia ki briew kiba khlem pass ia ka exam.
Na ka liang jong kine ki samla ki dawa ruh na ka sorkar ba ka dei ban pynjlan ia ka por jong kane ka kynhun kumba ka dei ban long ym ban shu pynkut noh khlem pat dei por. Kumba ka long mynta ka por kaba dang sah mynta ka long haduh shiteng jong une u snem 2013.(SP News)
