Shillong, Naiwieng 04: U Bah D Mawlong u ba niah ia katrok ML05-J-1214 u la leit ban ujor sha ki pulit jong ka Sohiong ba ha ka miet lai tarik mynta u bnai ki briew kiba ym lah ban tip ki la lute na u da kaba pynap da ki pistol bad ki khukri.
La ong ba kine ki briew kila wan da ka kali maruti kaba khlem don number, kane ka jinglute ka la jia ha khongdong bah jong ka Sohiong la ong ba ki la ioh ban rah ia ka pisa kaba la kot sha ka T.69,320 /- tyngka.
Na ka liang jong ki pulit ki la pynlong ia ka jingthohkit ban lap ia kine ki nonglute, la ong ba kum kine ki jingjia ka juh jia khah khah ha katei ka jaka kaba dei ha Sohiong.(SP News)
