Nongstoin, Nailur 11: Ka jingialang jong ka Executive Committee jong ka HANM kaba la long mynta ka sngi ki la shim ia ka rai ba ha ka 16 tarik mynta u bnai kin pynlong ia ka jingiakhih da kaba shong kyllain mungor ha phyllaw ophis jong u Deputy Commissioner jong ka West Khasi Hills.
Kane ka jingiakhih kaba la khot da katei ka seng ka long halor ka jingdawa ka jong ki ba ka sorkar ka dei ban wengnoh mar dor ia u Deputy Commissioner jong ka West Khasi Hills District kumba ki la dep ai ia ka dorkhas sha ka sorkar Meghalaya.
Kane ka long ka jingsdang jong ka jingiakhih ban pynsngew sha ka sorkar ia kane ka jingdawa ka jong ki lada ka sorkar kam leh ei ei na ka liang jong ka seng kan dang pynjur shuh shuh ia ki jingiakhih haduh ba ka sorkar kan da weng ia une u DC ba mynta na Nongstoin.(SP News)
