Mawkyrwat Naiwieng 15: Da ki hajar ngut ki briew mynta ka sngi na ka thain Mawsaw ki laioh ia ka jingmyntoi na ka Health MELA kaba la pynlong da ka National Rural Health Mission jong ka West Khasi Hills District na Nongstoin.
Ha ka jingkren jong u Deputy Chief Minister u bah Rowell Lyngdoh u ba dei peit ruh ka tnad ka koit ka khiah jong ka sorkar jylla u la ong ba na ka liang jong ka sorkar ka kwah ban ai ki jingiarap sha ki paidbah na ka bynta ki jingpang kiba ha rukom.
Kaba kongsan eh nalor kane ka Health Mela ka long ban hikai ia ki briew ba kumno ki dei ban nang ban sumar ia lade ban ioh ia ka jingkoit jingkhiah da kaba sumar ia lade namar ym don ba lah ban iarap ia u briew lada um lah ban iarap da lade.
Na ka liang jong ka sorkar ka la ialeh katba lah ban wanrah ia ki kam pynroi sha ki nongshong ki thaw bad na ka liang jong ka sorkar ka kwah ban ioh ia ka jingiatreilang na ka bynta ban kyntiew ia ka roi ka par sha ki thain baroh bad ki kam pynroi kiniaid beit.
Ha kane ka sngi ki la don bun ki doctor kiba la poi sha kane ka jaka ai jingsumar ei jong ka sorkar. Ia ka jingialang la pyniaid da u Deputy Commissioner jong ka South West Khasi Hills u Bah A Mawlong.(SP News)
