Shillong, Kyllalyngkot 19: Ka Seng samla jong ka Balang u Blei ka la rakhe ia ka jingdap 25 snemha ka jingiaid lynti jong ka ban shakri ia u Trai ha kane ka sngi ki paid riew ngeit jong kane ka Balang u Blei ki la wan tuid da ki hajar ngut na kylleng ka ri Khasi Jaintia bad Assam bad la pynlong ia kane ka jingiaseng ha Madan Student Jaiaw ban phla ia la ka jong ka jingngeit ha u Trai Jisu.
Kane ka jingiaid lynti jong ki samla ban kynjoh sha ka jingdap 25 snem wat hapdeng ki jingeh kiba ki khynnah samla ki ia shem ha ka lynti iaid jong ki ha ban ialap ia ka Gospel u Trai uba long u nong pynim ban pyn saphriang ia ka khubor ba bha jong u Jisu Krist,kumba u Jisu ula kular ba ngan don ryngkat bad phi,bad dei ka jingialam ba stad jong u Blei ba kine ki khynnah samla ki lah ban poi sha kane ka thong ha kaba baroh ki la ban sakhi ia ka jingdap 25 snem ha ka lynti iaid jong ka Balang u Blei ki khynnah samla.
Ha kane ka sngi la iohsngew ia ka jingiathuh khana na ka Gospel jong u Trai na i Rev Leader Pohsngap,to u Blei un kyrkhu ia kine ki khynnah samla ha kane ka jingrakhe ia ka jingdap 25 snem to ai ba kane ka step ka rah ia ka khubor ba bha ia ki paid riewngeit kiba don ha kane ka jylla bad ki ba nabar jylla kin pynsum pynsait ia lade da ki jingduwai bad ban ai nguh ia u Blei bad ia u Jisu uba long u Trai u kynrad bad uba long kynrad ia ka mynsiem jong ngi bad to ai ba kane ka khubor kan long sha kito kiba ngeit ha u Jisu uba long u nongthaw ia ka bneng bad ka khyndew uba long u nong ai,u nongsiewspah u ban sa wan sha ka pyrthei kumba ula kular.
Ki samla ki dei ban kham kiar na ka jingsngewbha pyrthei hynrei dei ban kham jied ha kaba leit ialap ia ka Ktien jong u Blei,wat la ki Shillong Chamber Choir ki leit ban rwai kylleng ka ri hynrei ki dang kynmaw ia u Blei ha ka jingrwai ki dang kynmaw ia u Blei, “kane ka dei ka pyrthei jong u Blei” ka dei ka jingrwai ba ki la rwai na ka bynta ban ainguh ia u Blei wat la ki don ha ka nam bad ka kyrdan sngewtynnad ba kim shym la klet ia u Blei,ki samla kim dei ban ngop ha ka jingpynshoi u soitan namar u soitan ym dei uba thaw ia ka pyrthei hynrei u dei u Angel uba kwah tam ia ka bor jong u Blei ba u Blei u sa shop arsut ia u sha dujok
Haba u Blei u buh ia ngi sha ka pyrthei ka don ka jingthmu kaba bha na ka bynta jong ngi kumta ngim dei ba ngin don jingsngew haba ngi rung ha kano kano ka pyrthei namar ka dei ka jingim ba shimet jong ngi,la ka dei ha ka pyrthei ban ialap ia ka ktien jong u Blei,ne ngi rung sha ka pyrthei jong ka kam sain hima sima ne sha kano kano ka pyrthei ngi dei ban kynmaw ba ngi dei ban im bad iaid ha ka lynti ha u Trai bad ban iaid da ka jingtip briew tip Blei,wat ai ba u soitan ba un synshar ia ka mynsiem jong ngi
Ngin duwai ruh na ka bynta ba ngin ioh ia ka long iing long sem kaba bha namar lada ka iing ka sem ka bha ngin ioh ia ka im lang sah ka bha bad lada ka imlang sahlang ka bha ngin ioh ia ki briew kiba riew Blei bad lada ki briew ki long kiba tip briew ngin sa ioh ia ka ka jingkiew ha ka jylla ai ruh ba ki nong ialam jong ka jylla ruh kin don ka mynsiem riew Blei ki ban kit na ka bynta ka jylla ban ioh ia ka jingroi ha ka jylla.(SP News)
